O‘zbekiston Respublikasi Prezidenti va nomli davlat stipendiyalari tanlovi natijalari e’lon qilindi.

Chirchiq davlat pedagogika universiteti Tabiiy fanlar fakulteti talabalarining navbatdagi yuksak natijasi

2025/2026-o‘quv yili uchun oliy ta’lim muassasalari bakalavriat bosqichi talabalari orasida o‘tkazilgan O‘zbekiston Respublikasi Prezidenti va nomli davlat stipendiyalari tanlovi natijalari e’lon qilindi.

Quvonarli jihati shundaki, universitetimizning jami 15 nafar eng iqtidorli talabalari ushbu sharafli unvonlarga loyiq topildi. Mazkur yutuqlar salmog‘ida Tabiiy fanlar fakultetining alohida o‘rni bor. Fakultetimizning 4 nafar iqtidorli talabasi o‘zlarining ilmiy salohiyati va namunali xulqi bilan davlat darajasidagi stipendiyalar sohibiga aylanishdi.

Fakultetimiz sharafini munosib himoya qilgan g‘oliblar:

✅ O‘zbekiston Respublikasi Prezidenti davlat stipendiyasi:

• Mirislomov Mirdavlat Miraziz o‘g‘li — Geografiya va iqtisodiy bilim asoslari ta’lim yo‘nalishi 4-bosqich talabasi.

✅ Islom Karimov nomli davlat stipendiyasi:

• Normurodov Shaxzod Sharof o‘g‘li — Biologiya ta’lim yo‘nalishi 3-bosqich talabasi.

✅ Navoiy nomli davlat stipendiyasi:

• Qudratov Javohir Jahongir o‘g‘li — Kimyo ta’lim yo‘nalishi 4-bosqich talabasi.

✅ Bobur nomli davlat stipendiyasi:

• Turg‘unova Robiya Fazliddin qizi — Geografiya va iqtisodiy bilim asoslari ta’lim yo‘nalishi 3-bosqich talabasi.

Ma’lumot o‘rnida ta’kidlash joizki, universitetimizning yana 11 nafar talabasi Navoiy, Pahlavon Mahmud va Abdulla Avloniy nomli davlat stipendiyalariga sazovor bo‘lishdi.

Ushbu yutuq fakultetimizda yosh olimlar va iqtidorli yoshlar uchun yaratilgan shart-sharoitlar hamda tizimli ustoz-shogird an’analarining amaldagi in’ikosidir.