Talabalarning ijara xonadonlaridagi yashash sharoitlari doimiy e’tiborda

2026-yil 27-mart kuni Tabiiy fanlar fakulteti dekani A.K. Raximov Kimyogarlar MFY, Oqoltin ko‘chasi, 15-uyda ijara asosida istiqomat qilayotgan talabalar xonadonida bo‘ldi.

Mazkur xonadonda fakultetning 3-kurs Geografiya ta’lim yo‘nalishi talabalari J. Jamolxonov va M. Abdusalomovlar bilan birga Jismoniy madaniyat fakulteti hamda Tibbiyot akademiyasi talabalari ham birga istiqomat qilmoqda.

O‘rganish davomida quyidagilarga e’tibor qaratildi:

• Ijtimoiy sharoitlar: Talabalarning yashash xonalari va oshxonadagi ozodalik holati, dars tayyorlashlari uchun yaratilgan qulayliklar ko‘zdan kechirildi.

• Muloqot va ko‘mak: Talabalar bilan samimiy suhbat uyushtirilib, ularning mavjud muammolari va takliflari tinglandi.

• Ma’naviy-profilaktik targ‘ibot: Yoshlar o‘rtasida huquqbuzarlikning oldini olish, giyohvandlik va psixotrop moddalarning salbiy oqibatlari hamda sog‘lom turmush tarziga amal qilish bo‘yicha tushuntirish ishlari olib borildi.

Bu kabi o‘rganishlar talabalarning xavfsizligini ta’minlash va ularni ijtimoiy qo‘llab-quvvatlash maqsadida muntazam ravishda amalga oshirib kelinmoqda.