Zamonaviy biologik tadqiqotlar va tabiiy fanlarni o‘qitishning dolzarb muammolari, innovatsion yechimlari hamda rivojlanish istiqbollari

Chirchiq davlat pedagogika universitetida “Zamonaviy biologik tadqiqotlar va tabiiy fanlarni o‘qitishning dolzarb muammolari, innovatsion yechimlari hamda rivojlanish istiqbollari” mavzusida xalqaro ilmiy-amaliy konferensiya o‘z ishini boshladi.
Anjumanning maqsadi - zamonaviy biologik tadqiqotlar va tabiiy fanlarni o‘qitishdagi dolzarb muammolarni tahlil qilish hamda ularni hal etishda genetika, genomika, molekulyar biologiya va bioinformatika yutuqlariga asoslangan innovatsion yondashuvlarni ishlab chiqishdan iborat. Shuningdek, biotexnologiya va bioinjeneriya asosida barqaror mahsulotlar yaratish, bioxilma-xillik va genofondni saqlash, biologik resurslardan oqilona foydalanish, mikrobiologiya, virusologiya va immunologiyadagi muammolarni o‘rganish hamda fan-ta’lim integratsiyasi va raqamli pedagogik texnologiyalar bo‘yicha ilmiy ishlanmalarni muhokama qilish va ilmiy hamkorlikni rivojlantirish ko‘zda tutiladi.