Universitetda tyutorlarni ishga qabul qilish bo‘yicha tanlov jarayoni yakunlandi

     Chirchiq davlat pedagogika universitetida 2026/2027-o‘quv yilida yuqori salohiyatga ega tyutorlarni ishga qabul qilishga tavsiya etish bo‘yicha tanlov jarayoni yakunlandi.

     Joriy yilning 26-avgust kuni universitetda tyutorlik faoliyatida ishlash istagini bildirgan nomzodlar uchun tanlovning ikkinchi bosqichi — suhbat jarayoni o‘tkazildi. Unda nomzodlarning bilim va ko‘nikmalari, kasbiy salohiyati, talabalar bilan ishlash qobiliyati hamda tyutorlik faoliyatiga oid qarashlari universitet komissiyasi tomonidan baholandi.

     Suhbat davomida nomzodlarning mas’uliyatlilik, tashabbuskorlik, kommunikativlik, jamoa bilan ishlash hamda turli muammoli vaziyatlarda to‘g‘ri va tezkor qaror qabul qilish ko‘nikmalariga alohida e’tibor qaratildi.

     Tanlov yakunlari asosida tyutorlik faoliyatini samarali tashkil etish, talabalar bilan individual ishlashni kuchaytirish hamda ularning ta’lim va ijtimoiy faolligini qo‘llab-quvvatlashga munosib nomzodlarni ishga qabul qilish bo‘yicha tegishli tavsiyalar shakllantirildi.

      Mazkur tanlov universitetda talabalarga ko‘rsatiladigan tyutorlik xizmatlari sifatini yana-da oshirish va yuqori malakali mutaxassislar bilan ta’minlashga xizmat qiladi.

Universitet Axborot xizmati