Work and Travel xalqaro dasturi imkoniyatlari targ‘ib qilinmoqda

O‘zbekiston Respublikasi Vazirlar Mahkamasining 2025-yil 2-maydagi 290-son qaroriga asosan “Work and Travel” xalqaro dasturlarida ishtirok etuvchi talaba-yoshlarning ishlash va sayohat qilish maqsadida xorijiy davlatlarga borishi va kelishi bilan bog‘liq xarajatlari uchun ssuda ajratish tizimi yo‘lga qo‘yildi.

Shu munosabat bilan O‘zbekiston Respublikasi Yoshlar ishlari agentligi tomonidan mamlakatimizdagi oliy ta’lim tashkilotlarida tahsil olayotgan talaba-yoshlar orasida “Work and Travel” xalqaro dasturi imkoniyatlari, xorijda ishlash va sayohat qilish afzalliklari hamda ssuda ajratish tartibi bo‘yicha targ‘ibot materiallari tayyorlandi.

Mazkur dastur talabalarga:

• xorijiy davlatlarda vaqtinchalik mehnat faoliyatini olib borish;
• xalqaro tajriba orttirish;
• xorijiy tillar bo‘yicha amaliy ko‘nikmalarini rivojlantirish;
• turli madaniyat va ish muhiti bilan yaqindan tanishish imkoniyatlarini yaratadi.

Talaba-yoshlarni ushbu xalqaro dastur imkoniyatlaridan faol foydalanishga chorlaymiz.

Targ‘ibot materiallari:
@yoshlar_work_travel_uz
@WorkTravelUz_Bot

Videorolik havolasi:
https://t.me/yoshlareduuz/22269