5 TA FAKULTETDA ISTIQBOLLI LOYIHALAR YUZASIDAN TARG'IBOT ISHLARI AMALGA OSHIRILDI.

Oliy ta’lim, fan va innovatsiyalar vazirligining 2026-yil 9-maydagi 05/15-4/1-4264-sonli xati ijrosini ta’minlash maqsadida universitet fakultetlarida ijtimoiy-ma’naviy targ‘ibot tadbirlari tashkil etildi. Tadbirlar davomida yoshlarni ma’naviy yetuk, zamonaviy bilim va ilmiy salohiyatga ega kadrlar sifatida kamol toptirishga xizmat qiluvchi istiqbolli loyihalar va platformalar haqida videomateriallar namoyish etildi.

Xususan, universitetning Aniq fanlar, Gumanitar fanlar, Jismoniy madaniyat hamda Turizm, Maktabgacha va boshlang‘ich ta’lim fakultetlari talaba-magistrlariga “Qizlar akademiyasi” loyihasi, “Bek va Lola” mobil o‘yini, Yoshlar ishlari agentligi tomonidan amalga oshirilayotgan startap loyihalar, “Ibrat Academy” platformasi, “Mutolaa” loyihasi hamda shaxmatni professional darajada o‘rganishga mo‘ljallangan zamonaviy platformalar haqida batafsil ma’lumotlar berildi.

Targ‘ibot jarayonlarida fakultetlarning ilmiy ishlar va innovatsiyalar bo‘yicha mas’ullari faol ishtirok etib, yoshlarning innovasion fikrlashi, kitobxonlik madaniyati, xorijiy tillarni o‘rganishi hamda intellektual salohiyatini rivojlantirishga qaratilgan tashabbuslarning ahamiyati xususida fikr-mulohazalar bildirildi.