CHDPUDA TURKUM FAN OLIMPIADALARI O‘TKAZILMOQDA.
O‘zbekiston Respublikasi Prezidentining 2020-yil 6-oktabrdagi PQ-4851-son qarori (“Axborot texnologiyalari sohasida ta’lim tizimini yanada takomillashtirish, ilmiy tadqiqotlarni rivojlantirish va ularni IT-industriya bilan integratsiya qilish chora-tadbirlari to‘g‘risida”) hamda Oliy ta’lim, fan va innovatsiyalar vazirligining 2026-yil 30-martdagi 02/58-01-19-4851-sonli topshiriq xatiga muvofiq, Chirchiq davlat pedagogika universitetida “Informatika va axborot texnologiyalari” fani bo‘yicha ko‘p bosqichli oliy ta’lim muassasalari olimpiadasi tashkil etildi.
Shuningdek, Prezidentning 2020-yil 12-avgustdagi PQ-4805-son qarori (“Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish chora-tadbirlari to‘g‘risida”) hamda vazirlikning 2026-yil 30-martdagi 02/58-01-19-4805-sonli topshiriq xati asosida universitetda “Kimyo” va “Biologiya” fanlari bo‘yicha ham ko‘p bosqichli olimpiada jarayonlari yo‘lga qo‘yildi.
Bundan tashqari, Prezidentning 2021-yil 19-martdagi PQ-5032-son qarori (“Fizika sohasidagi ta’lim sifatini oshirish va ilmiy tadqiqotlarni rivojlantirish chora-tadbirlari to‘g‘risida”) hamda vazirlikning 2026-yil 30-martdagi 02/58-01-19-5032-sonli topshiriq xatiga muvofiq, “Fizika” fani bo‘yicha olimpiada ham o‘tkazilmoqda.
