Chirchiq davlat pedagogika universitetida Iqtisodiyot yo‘nalishi talabalari o‘rtasida Iqtisodiyot fanlaridan ilk marotaba fan olimpiadasi tashkil etildi. Mazkur olimpiadada 40 nafardan ortiq talaba ishtirok etib, o‘z bilim va salohiyatlarini sinovdan o‘tkazdilar.

Tadbir talabalarning nazariy bilimlarini mustahkamlash, ularning iqtisodiy tafakkurini rivojlantirish hamda iqtidorli yoshlarni aniqlash maqsadida o‘tkazildi. Olimpiada jarayoni ochiqlik, shaffoflik va adolatlilik tamoyillari asosida tashkil etilib, barcha ishtirokchilar uchun teng sharoitlar yaratildi.

Olimpiada natijalarini baholash va jarayonni nazorat qilish uchun maxsus komissiya tarkibi shakllantirildi. Komissiya tarkibiga quyidagi professor-o‘qituvchilar jalb etildi:

Rasulov Akbar Namazovich – Menejment kafedrasi mudiri, PhD, dotsent;

Sultanova Dilnura Abdurashidovna – Menejment kafedrasi katta o‘qituvchisi;

Xodjamqulov Karimjon Allamuratovich – Menejment kafedrasi o‘qituvchisi.

Mazkur fan olimpiadasi talabalarning bilim darajasini aniqlash, ularni ilmiy izlanishlarga rag‘batlantirish hamda iqtisodiyot sohasida yetuk mutaxassislar tayyorlash yo‘lidagi muhim tadbirlardan biri bo‘ldi.