GUMANITAR FANLAR FAKULTETI TALABALARI UCHUN SEMINAR TASHKIL ETILDI.
30.04.2026 da Gumanitar fanlar fakulteti Ilmiy ishlar va innovatsiyalar bo‘yicha dekan o‘rinbosari Ilmurodova Feruza Shakirovna hamda fakultet Yoshlar akademiyasi lideri Xusanov Jamoliddin Shaxobiddin o‘g‘li tashabbusi bilan Turizm fakulteti faollar zalida “Mirzo Ulug‘bek vorislari” Data Science o‘quv kursi doirasida seminar-trening mashg‘ulotlari tashkil etildi.
Seminar davomida quyidagi muhim jihatlar yoritildi:
🔹 Kursning asosiy afzalliklari — nazariyadan ko‘ra amaliyotga yo‘naltirilgani, real loyihalar va haqiqiy ma’lumotlar bilan ishlash imkoniyati mavjudligi;
🔹 Darslarning sohada tajribaga ega mutaxassislar tomonidan olib borilishi;
🔹 Kurs yakunida tinglovchilar ishga joylashishda yordam beruvchi tayyor loyihalar portfeliga ega bo‘lishi;
🔹 Ishga kirish suhbatlaridan muvaffaqiyatli o‘tish bo‘yicha foydali tavsiyalar berilishi;
🔹 Ish va o‘qishni uyg‘unlashtirish imkonini beruvchi qulay o‘quv grafigi mavjudligi.
Mazkur seminar-trening ishtirokchilarda Data Science yo‘nalishiga bo‘lgan qiziqishni yanada oshirib, ularning kelajakdagi kasbiy rivoji uchun muhim turtki bo‘ldi.
