ILMIY-INNOVATSION SOHA VAKILLARI SEMINAR TASHKIL ETDI.

Jismoniy madaniyat fakultetida Ilmiy ishlar va innovatsiyalar bo‘yicha dekan o‘rinbosari J.S. Xudoyberganov hamda Yoshlar akademiyasi lideri O.Sh. Yusufxo‘jayev tashabbusi bilan “Mirzo Ulug‘bek vorislari” mavzusida seminar tashkil etildi.

Mazkur seminar ilmiy faoliyatga qiziqish bildirayotgan iqtidorli talabalarni bir joyga jamlab, ularning ilmiy salohiyatini rivojlantirish, zamonaviy bilim va ko‘nikmalarni shakllantirishga qaratildi.

Seminar davomida:

🔹 “Mirzo Ulug‘bek vorislari” dasturining maqsad va vazifalari, unda ishtirok etish shartlari haqida batafsil ma’lumot berildi;
🔹 Ilmiy izlanishlarni to‘g‘ri yo‘lga qo‘yish, mavzu tanlash va tadqiqot olib borish bo‘yicha muhim tavsiyalar taqdim etildi;
🔹 Zamonaviy yo‘nalishlar, xususan, innovatsion loyihalar, startaplar va ilmiy ishlanmalarning amaliy ahamiyati haqida tushuntirishlar berildi;
🔹 Ilmiy faoliyat orqali grantlar, tanlovlar va xalqaro loyihalarda ishtirok etish imkoniyatlari yoritildi;
🔹 Talabalarning savollariga javob berilib, ularni qiziqtirgan masalalar yuzasidan ochiq muloqot tashkil etildi.