“RAQAMLI STARTAPLAR EKOTIZIMINI SHAKLLANTIRISH” MAVZUSIDA WORKSHOP O‘TKAZILDI.

Mazkur tadbir Innovatsion rivojlanish agentligi bilan hamkorlikda ishlab chiqilgan “Toshkent viloyatidagi oliy ta’lim muassasalarida “Raqamli startaplar” dasturini samarali amalga oshirish, innovatsion ekotizimni rivojlantirish hamda inkubatsiya markazlari faoliyatini takomillashtirishga qaratilgan seminar va workshoplar tashkil etish bo‘yicha reja-grafik” asosida tashkil etildi.

Reja-grafikka muvofiq, joriy yilning 13-aprel kuni universitetda Innovatsion rivojlanish bo‘linmasi hamda Ohangaron Yoshlar texnoparki hamkorligida uchrashuv o‘tkazildi.

Unda 200 nafarga yaqin talabalar ishtirok etib, raqamli startaplar ekotizimi, innovatsion loyihalarni shakllantirish hamda ularni amaliyotga joriy etish yuzasidan batafsil ma’lumotlarga ega bo‘ldilar. Shuningdek, ishtirokchilar o‘zlarini qiziqtirgan savollarga mutaxassislar tomonidan atroflicha javob oldilar.

Tadbir davomida faol ishtirok etgan talaba va magistrlar universitet rektorining tashakkurnomasi bilan taqdirlandi.

Ushbu workshop yoshlar orasida innovatsion fikrlashni rivojlantirish, startap tashabbuslarini qo‘llab-quvvatlash hamda zamonaviy bilim va ko‘nikmalarni shakllantirishda muhim ahamiyat kasb etdi.