STAJIROVKA TANLOVIGA QABUL DAVOM ETMOQDA!
📢 “Kelajak muhandislari” stajirovka tanloviga arizalar qabuli davom etmoqda
Oʻzbekiston Respublikasi Prezidenti rahbarligida 2024-yil 20-iyun kuni kengaytirilgan tarzda oʻtkazilgan videoselektor yigʻilishining 32-sonli bayoni 36-bandida har yili muhandislik yo‘nalishlari bo‘yicha “Eng yaxshi g‘oya”, “Eng yaxshi loyiha” va “Eng yaxshi ixtiro” respublika ko‘rik tanlovlarini tashkil etish vazifasi belgilangan.
Mazkur topshiriq ijrosini ta’minlash maqsadida Vazirlar Mahkamasining 2026-yil 11-fevraldagi 7-son bayoniga muvofiq, joriy yilning aprel–avgust oylarida “Kelajak muhandislari” stajirovka tanlovi o‘tkazilmoqda.
Tanlov muhandislik yo‘nalishlari bo‘yicha innovatsion g‘oya, loyiha va ixtirolarni qo‘llab-quvvatlash, yosh olimlar hamda professor-o‘qituvchilarning ilmiy-texnik salohiyatini rivojlantirishga qaratilgan. Unda yoshi 20 dan 40 gacha bo‘lgan oliy ta’lim tashkilotlari bakalavriat va magistratura bosqichi talabalari, shuningdek professor-o‘qituvchilar ishtirok etishlari mumkin.
Tanlov quyidagi yo‘nalishlarda tashkil etiladi:
— “Eng yaxshi g‘oya”
— “Eng yaxshi loyiha”
— “Eng yaxshi ixtiro”
Tanlovga mamlakatimiz iqtisodiyotini rivojlantirishga xizmat qiladigan, sanoat tarmoqlarida innovatsion yechimlarni joriy etishga qaratilgan, ilmiy yangilik va amaliy ahamiyatga ega bo‘lgan muhandislik ishlanmalari qabul qilinadi.
Muhandislik yo‘nalishlari qatoriga mexanik muhandislik, elektr va energetika muhandisligi, elektronika va radioelektronika, sun’iy intellekt, robototexnika, avtomatlashtirish tizimlari, qurilish va infratuzilma muhandisligi, kimyo va biotexnologiya, materialshunoslik, aviatsiya va kosmik texnologiyalar, agroinjinering, oziq-ovqat hamda tibbiyot muhandisligi kabi sohalar kiradi.
Tanlov yakunlariga ko‘ra talabalar va professor-o‘qituvchilar kategoriyalarining har birida eng yuqori ball to‘plagan 5 nafardan, jami 10 nafar ishtirokchi g‘olib deb topiladi hamda rivojlangan davlatlarga 60 kungacha bo‘lgan muddatga stajirovkaga yuboriladi.
Arizalar 2026-yil 20-apreldan boshlab qabul qilinmoqda va qabul jarayoni 20-mayga qadar davom etadi.
Tanlov haqida batafsil ma’lumot:
🌐 muhandis.edu.uz
Mas’ul xodim: Z. Asrorov
📞 +998 99 009 51 01