2025-yil 1-iyundan 4-iyungacha davom etgan nufuzli Xalqaro Jahon chempionati

Pankration musobaqasida yurtimiz nomidan ishtirok etgan talabamiz yana bir bor o‘z iste’dodi, matonati va jasorati bilan barchani qoyil qoldirdi.

Chirchiq davlat pedagogika universiteti Jismoniy madaniyat fakulteti 1-bosqich talabasi Xushvaqtova Jasmina, 18–20 yoshlar toifasida, 53 kg vazn kategoriyasida qatnashib, kuchli raqiblar bilan kechgan shiddatli bahslarda mardonavor kurashdi va faxrli 2-o‘rinni egalladi. Bu bilan u nafaqat universitetimiz, balki butun yurtimiz sharafini munosib himoya qildi.

Jasmina bu g‘alabasi orqali Bahrayn davlatida bo‘lib o‘tadigan Osiyo o‘yinlariga yo‘llanmani qo‘lga kiritdi. Bu esa uning sport faoliyatidagi navbatdagi katta bosqich va muhim marradir.

Fidokorona mehnat va qat’iyat bilan erishilgan bu yutuq – o‘z oldiga aniq maqsad qo‘ygan, hech qachon taslim bo‘lmaydigan, yurt sha’nini yuksaltirishni eng oliy burch deb biladigan sportchimizning mashaqqatli mehnatlari samarasi hisoblanadi.

Biz, Jasminaning ustozlari, kursdoshlari, va butun universitet jamoasi nomidan uni chin dildan tabriklaymiz va kelgusi musobaqalarda ulkan zafarlar, yuksak marralar va ilm yo‘lida ham muvaffaqiyatlar tilaymiz.