Buyuk mutafakkirga ehtirom

Chirchiq shahar hokimligi, Chirchiq davlat pedagogika universiteti birinchi prorektori S.B.Qorayev, universitetning barcha fakultet jamoalari hamda talabalari buyuk mutafakkir, davlat arbobi va ulug‘ shoir Mir Alisher Navoiy tavalludi munosabati bilan uning haykali poyiga gul qo‘yish marosimida ishtirok etdilar.

Ushbu tadbir ezgu an’analarning davom etishi, ajdodlarimizga bo‘lgan hurmat va e’tiborning yorqin ifodasi bo‘ldi. Navoiy bobomizning boy adabiy merosi, insonparvar g‘oyalari yosh avlod qalbida vatanparvarlik, ezgulik va adolat tuyg‘ularini mustahkamlashda muhim o‘rin tutadi. Uning asarlarida ilgari surilgan ulug‘vor fikrlar bugun ham o‘z ahamiyatini yo‘qotmagan bo‘lib, komil inson tarbiyasida, milliy g‘urur va ma’naviyatni yuksaltirishda muhim omil bo‘lib xizmat qilmoqda.
Buyuk shoir xotirasi bardavom, asarlari esa mangu yashaydi! Navoiyning sof muhabbat, mehr-oqibat, adolat va bilimga bo‘lgan da’vati hamisha qalblarimizda jo‘sh uradi

.