CHDPU Gumanitar fanlar fakultetida professor-o‘qituvchilarning ilmiy faoliyatga jalb etilish darajasini oshirish va mavjud salohiyatdan samarali foydalanish masalalariga bag‘ishlangan muhokama bo‘lib o‘tdi.

Uchrashuv B.X.Eshchanov boshchiligida tashkil etilib, unda ilmiy darajaga ega bo‘lmagan professor-o‘qituvchilarning ilmiy-tadqiqot ishlari holati tahlil qilindi. Ilmiy izlanishlarni boshlash yoki davom ettirishda uchrayotgan muammolar, ularni bartaraf etish mexanizmlari hamda samarali ilmiy yo‘l xaritalarini ishlab chiqish masalalari muhokama markazida bo‘ldi.

 Shuningdek, professor-o‘qituvchilarni tajribali ilmiy rahbarlarga biriktirish, yetakchi oliy ta’lim muassasalari va xorijiy ilmiy markazlar bilan hamkorlikni kuchaytirish, ilmiy natijalarni tijoratlashtirish orqali qo‘shimcha moliyaviy manbalar yaratish bo‘yicha takliflar ilgari surildi.