Chirchiq Davlat Pedagogika Universiteti Maktabgacha ta’lim fakulteti 1-talabalar turar joyida Navro‘z sayli o‘tkazildi. Bayram «Har kuningiz Navroʼz boʼlsin!» shiori ostida o‘tdi.

Universitet rektori G‘afurjon Muxamedov ushbu tabarruk kunning qadriyat va an’analarni ulug‘lashdagi o‘rni haqida ta’kidlab, barcha talabalarga ezgu tilaklarini bildirdi.Sumalak sayli, xalq o‘yinlari, ijodiy chiqishlar va turli tanlovlar bayramga o‘zgacha ko‘tarinki ruh bag‘ishladi. Talabalar tomonidan lapar, yalla va aytishuvlar ijro etilib, milliy an’analarimiz yana bir bor jonlantirildi.