Chirchiq davlat pedagogika universitetida yaqinda “Yangi O‘zbekiston – yangi renessans poydevori” mavzusiga bag‘ishlangan ilmiy-ma’rifiy seminar tashkil etildi.

Mazkur tadbirda mamlakatimizda ma’naviy-ma’rifiy sohalarda olib borilayotgan islohotlarning mazmun-mohiyatini yoritish, yangi uyg‘onish davrining ilmiy asoslarini keng jamoatchilikka yetkazish maqsad qilingan.

Seminarda quyidagi taniqli mutaxassis va olimlar ishtirok etdilar:
Tarix fanlari bo‘yicha falsafa doktori F.N. Ibragimov,
O.X. Sotvoldiyev,
Din ishlari bo‘yicha qo‘mita mas’ul xodimi J.V. Meliqo‘ziyev,
Islom sivilizatsiyasi markazi bo‘lim boshlig‘i S.S. Zokirov,
Filologiya fanlari bo‘yicha falsafa doktori X.S. Hamidov,
O‘zbekistonda xizmat ko‘rsatgan madaniyat xodimi B.X. Bobomurodov.
Tadbir davomida ishtirokchilar Yangi O‘zbekiston g‘oyasining tarixiy, madaniy va ilmiy asoslari, ma’naviyat va ma’rifat sohalaridagi islohotlar, shuningdek, yangi renessans davrining shakllanishida ziyolilarning o‘rni va mas’uliyati yuzasidan o‘z fikr-mulohazalarini bildirdilar.

Seminar ishtirokchilarida chuqur taassurot qoldirdi hamda ilmiy-amaliy muloqotlar uchun samarali maydon bo‘ldi.