“Dolzarb 90 kun” loyihasi doirasida 2025-yil 1-iyundan 30-avgustgacha yoshlarning bo‘sh vaqtini mazmunli va samarali o‘tkazish, ularni sog‘lomlashtirish, jismoniy faollikka jalb etish

O‘zbekiston Respublikasi Prezidenti tashabbusi bilan boshlangan “Dolzarb 90 kun” loyihasi doirasida 2025-yil 1-iyundan 30-avgustgacha yoshlarning bo‘sh vaqtini mazmunli va samarali o‘tkazish, ularni sog‘lomlashtirish, jismoniy faollikka jalb etish hamda sportga bo‘lgan qiziqishini oshirish maqsadida keng ko‘lamli tadbirlar amalga oshirilmoqda.

Mazkur tashabbus doirasida Chirchiq davlat pedagogika universiteti Turizm fakultetida talabalar o‘rtasida futbol musobaqasi tashkil etildi. Musobaqa nafaqat sport, balki do‘stlik, jamoaviylik va sog‘lom turmush tarzini targ‘ib etish ruhida o‘tdi.

Bellashuvlarda talabalar faol ishtirok etib, o‘z mahoratlarini namoyon etdilar. Bu kabi sport tadbirlari yoshlarning bo‘sh vaqtini sermazmun o‘tkazish, ularni bekor yurishdan saqlab qolish va sog‘lom hayotga yo‘naltirishda muhim ahamiyat kasb etadi.