Gumanitar fanlar fakultetida “Kelajak soati” darsi o‘tkazildi

2025 yil 1 dekabr kuni Gumanitar fanlar fakultetida “Mening huquqlarim” mavzusidagi Kelajak soati darsi bo‘lib o‘tdi. Mashg‘ulot inson huquqlari va erkinliklarining shaxsiy hayotdagi o‘rni, huquq va majburiyatlar uyg‘unligini anglash hamda talabalar huquqiy ongini mustahkamlashga qaratildi.

Dars davomida talabalar O‘zbekiston Respublikasi Konstitutsiyasi va amaldagi qonunlardagi asosiy huquqiy normalar bilan tanishib, ularni hayotiy misollar orqali o‘z tajribalarida qo‘llash imkoniga ega bo‘ldilar. Bu jarayon ularda qonunlarga hurmat, mas’uliyatli fuqaro bo‘lish va o‘z huquqlarini himoya qilish ko‘nikmalarini shakllantirdi.

Mashg‘ulot fakultet ustozlari hamda fakultet tyutorlari tomonidan olib borildi.