Havo Hujumidan Mudofaa Qoʻshinlari va Harbiy Havo Kuchlari Qoʻmondonligiga qarashli 02223-harbiy qismga sayohat tashkil etildi.

Yozgi taʼtil vaqtida talaba-yoshlarning bo‘sh vaqtini mazmunli va foydali o‘tkazish maqsadida Boshlang‘ich taʼlim fakulteti tomonidan Havo Hujumidan Mudofaa Qoʻshinlari va Harbiy Havo Kuchlari Qoʻmondonligiga qarashli 02223-harbiy qismga sayohat tashkil etildi.

Tashrif davomida harbiy qism xodimlari ishtirokida talaba qizlarga harbiy qism bo‘ylab to‘liq ekskursiya uyushtirildi. Ular harbiy samolyotlar bilan yaqindan tanishib, ularning texnik tuzilishi va vazifalari haqida qimmatli ma’lumotlarga ega bo‘lishdi. Bunday tashriflar yoshlar qalbida vatanparvarlik tuyg‘usini oshirish, harbiy sohaga bo‘lgan qiziqishni kuchaytirish va intizomli hayotga bo‘lgan rag‘batni shakllantirishga xizmat qiladi.