Konstitutsiya — huquqiy kafolat

O‘zbekiston Respublikasi Konstitutsiyasining 33 yilligi munosabati bilan Chirchiq davlat pedagogika universiteti Tabiiy fanlar fakulteti talabalari hamda Chirchiq shahar Shodlik MFY aholisi o‘rtasida “Konstitutsiya — huquqiy davlat kafolati” mavzusida huquqiy targ‘ibot tadbirlari tashkil etildi.

Tadbirda Chirchiq shahar hokimligi yuristkonsultanti Sh. Shodiyev ishtirok etib, O‘zbekiston Respublikasi Konstitutsiyasining mazmun-mohiyati, yangi tahrirdagi Qomusimizda mustahkamlangan “inson — jamiyat — davlat” tamoyili hamda inson huquqlarini himoya qilishga doir normalar haqida batafsil tushuntirish berdi.

Shuningdek, Shodlik mahalla yettiligi, mahalla faollari va fakultet talabalari mavzu yuzasidan o‘z fikr-mulohazalarini bildirib, savollariga javob olishdi.

Tadbir mazmunli va samarali tarzda o‘tkazildi.