“Men diniy ekstremizm va terrorizm tahdidini qanday tushunaman”

Chirchiq davlat pedagogika universitetida “Men diniy ekstremizm va terrorizm tahdidini qanday tushunaman” mavzusida ma’naviy-ma’rifiy tadbir tashkil etildi.

Tadbirga O'zbekiston Din ishlari bo'yicha qo'mita raisi Chirchiq shahar bosh mutaxasisi Vohid Xamidov, Chirchiq shahar markaziy masjidi bosh imom xatibi Shavkat Aliboyev, universitet profilaktika inspektori Jasur Atadjanovlar ishtirok etdi.

Mazkur tadbirning asosiy maqsadi yoshlar ongida diniy ekstremizm va terrorizm kabi tahdidlarning mohiyatini to‘g‘ri anglash, ularga qarshi mafkuraviy immunitetni shakllantirish hamda talabalarning huquqiy va ma’naviy savodxonligini oshirishdan iborat bo‘ldi.

Tadbirda professor-o‘qituvchilar, soha mutaxassislari hamda talaba-yoshlar faol ishtirok etdilar. Ular tomonidan diniy ekstremizm va terrorizmning jamiyat barqarorligiga salbiy ta’siri, yoshlarni turli yot g‘oyalardan himoya qilish zarurati haqida atroflicha fikr-mulohazalar bildirildi.

Shuningdek, tadbir davomida bugungi globallashuv sharoitida axborot xurujlari, ijtimoiy tarmoqlar orqali tarqatilayotgan zararli g‘oyalar va ularning oldini olish choralari muhokama qilindi. Ishtirokchilar tomonidan bu borada tanqidiy fikrlashni rivojlantirish, ishonchli axborot manbalaridan foydalanish muhimligi alohida ta’kidlandi.

Tadbir yakunida talaba-yoshlar o‘z fikr va qarashlarini erkin bayon etdilar hamda bunday ma’naviy-ma’rifiy uchrashuvlar yoshlar tarbiyasida muhim ahamiyat kasb etishi qayd etildi.