Milliy musiqaga qiziqish – yoshlikdan!

Chirchiq davlat pedagogika universiteti Turizm fakulteti jamoasi tomonidan “90 kunlik dolzarb” loyihasi doirasida maktab o‘quvchilari uchun musiqiy to‘garak tashkil etildi.

Mashg‘ulotlarda o‘quvchilarga rubob, tanbur, doira kabi milliy cholg‘u asboblari bilan ishlash, ularning tarixi, chalish texnikasi va ijrochilik san’ati bo‘yicha amaliy bilimlar berildi.

To‘garak mashg‘ulotlari yoshlarning musiqaga qiziqishini oshirish, estetik tarbiya, sahna madaniyati va ijodiy fikrlash ko‘nikmalarini rivojlantirishga xizmat qildi.

Tashabbus yoshlar qalbida milliy qadriyatlarga hurmat tuyg‘usini mustahkamlashga, ularning bo‘sh vaqtini mazmunli o‘tkazishiga zamin yaratdi.