“Ochiq eshiklar kuni”
Havo hujumidan mudofaa qo‘shinlari va Harbiy havo kuchlari qo‘mondonligiga qarashli 08366-harbiy qismida “Ochiq eshiklar kuni” tadbiri bo‘lib o‘tdi. Unda Chirchiq davlat pedagogika universiteti talabalari hamda tyutorlari faol ishtirok etdilar.
Tadbir davomida talabalarga harbiy qism xodimlari tomonidan o‘q otar qurollar, harbiy texnika vositalari, shuningdek, harbiy samolyot va vertolyotlar yaqindan tanishtirildi. Mutaxassislar tomonidan ularning texnik imkoniyatlari, xizmat vazifalari hamda Vatan mudofaasidagi o‘rni haqida batafsil ma’lumotlar berildi.
“Ochiq eshiklar kuni” yoshlarda harbiy kasbga qiziqishni oshirish, vatanparvarlik tuyg‘ularini mustahkamlash hamda Qurolli Kuchlar faoliyati bilan yaqindan tanishtirishga xizmat qildi.
