Rahbar va yoshlar uchrashuvi
Joriy yil 24-fevral kuni davlatimiz rahbari Shavkat Mirziyoyev tashabbusi bilan har haftaning payshanba kuni vazirlik, idora va hokimliklarda “Yoshlar kuni”ni tashkil etish belgilangan edi. Mazkur topshiriq ijrosi doirasida “Rahbar va yoshlar” uchrashuvi bo‘lib o‘tdi.
Bugun Chirchiq davlat pedagogika universitetida Yoshlar masalalari va ma’naviy-ma’rifiy ishlar bo‘yicha birinchi prorektor S.B. Qorayev ishtirokida yoshlar bilan ochiq muloqot tashkil etildi.
Uchrashuvda 24-fevral kuni Ko‘ksaroy qarorgohida o‘tkazilgan yoshlar bilan muloqotda belgilangan ustuvor vazifalar mazmun-mohiyati keng yoritildi. Jumladan:
• yoshlar uchun ta’lim sohasida yaratilayotgan keng imkoniyatlar, grantlar va stipendiyalar sonining oshirilayotgani;
• xorijiy tillar va zamonaviy kasb-hunarlarni o‘rganish uchun qo‘shimcha sharoitlar;
• oliy ta’lim muassasalarida startap va innovatsion loyihalarni qo‘llab-quvvatlash tizimining kuchaytirilayotgani;
• yosh tadbirkorlar uchun imtiyozli kreditlar, soliq yengilliklari hamda biznesni boshlash va kengaytirish uchun moliyaviy ko‘mak mexanizmlarining joriy etilayotgani;
• bandlikni ta’minlash, amaliyot va ish o‘rinlari yaratish bo‘yicha yangi tashabbuslar haqida so‘z yuritildi.
Shuningdek, talabalar tomonidan ilgari surilgan taklif va muammolar muhokama qilinib, har bir murojaat yuzasidan mas’ullarga aniq topshiriqlar berildi hamda ijrosi nazoratga olindi.Tadbirda universitet rahbariyati, fakultet dekan o‘rinbosarlari hamda iqtidorli talabalar faol ishtirok etdilar.
Mazkur uchrashuv yoshlar bilan ochiq muloqotni kuchaytirish, ularning tashabbuslarini qo‘llab-quvvatlash va yaratilayotgan imkoniyatlardan samarali foydalanishga yo‘naltirilgani bilan ahamiyatli bo‘ldi.
