Rektor va yoshlar uchrashuvi

Universitetimizda Rektor va yoshlar uchrashuvi bo‘lib o‘tdi. Uchrashuv davomida talabalar va yoshlar bilan ochiq muloqot tashkil etilib, ularning taklif hamda tashabbuslari atroflicha muhokama qilindi. Tadbirda ta’lim sifatini yanada oshirish, yoshlarning ilmiy va ijodiy faolligini qo‘llab-quvvatlash, shuningdek, talabalarning ijtimoiy hayotdagi ishtirokini kengaytirishga doir masalalarga alohida e’tibor qaratildi.

Tadbir yakunida “Yil talabasi” nominatsiyasi g‘oliblari, universitetning voleybol jamoasi, teatr jamoasi a’zolari hamda “Qalqon” jamoasi faol ishtiroki va erishgan yutuqlari uchun universitet rahbariyati tomonidan taqdirlandilar.