San'atshunoslik fakulteti tashabbusi bilan "Everest" xususiy maktab o‘quvchilari uchun universitet hamda "Tasviriy va amaliy san'at o‘quv-amaliyot markazi"ga sayohat tashkil etildi.

Chirchiq davlat pedagogika universiteti San'atshunoslik fakulteti tyutori Baynazarova N.X. tashabbusi bilan "Everest" xususiy maktab o‘quvchilari uchun universitet hamda "Tasviriy va amaliy san'at o‘quv-amaliyot markazi"ga sayohat tashkil etildi.

Tadbirning asosiy maqsadi — o‘quvchilarning bo‘sh vaqtini mazmunli tashkil etish, ularni oliy ta’lim muassasasi hayoti bilan yaqindan tanishtirish, yoshlarning san’atga va milliy hunarmandchilikka bo‘lgan qiziqishi hamda bilimlarini boyitishdan iborat bo‘ldi.

Markazga tashrif davomida o‘quvchilar amaliy va tasviriy san’at, kulolchilik buyumlari hamda madaniy boyliklar bilan tanishdilar. Bu esa ularning milliy merosimizga bo‘lgan hurmat va muhabbatini yanada mustahkamladi.