“Sog‘lom turmush tarzi — sog‘lom hayot ramzidir”
Tabiiy fanlar fakultetida mazkur mavzuda targ‘ibot tadbiri o‘tkazildi. Tadbirda Chirchiq shahar tibbiyot birlashmasi xodimlari ishtirok etib, yuqumli infeksion kasalliklar haqida muhim ma’lumotlar berdilar.
Biologiya kafedrasi o‘qituvchisi Z.S. Sharipova eng xavfli infeksiyalardan biri — TORCH infeksiyasi yuzasidan hayotiy misollar asosida tushuntirish berdi.
Talabalar tomonidan namoyish etilgan sahna ko‘rinishlari tadbirga alohida ruh bag‘ishlab, ishtirokchilarda sog‘lom hayot tarziga e’tibor qaratish zarurligini yana bir bor eslatdi.
Tadbir Tabiiy fanlar fakulteti tyutori M. Xamrakulova tashabbusi bilan tashkil etildi.
