Sportning o‘ziga xos nafisligi va kuchini birlashtirgan Fransuz boksi – "Savate" yo‘nalishi bo‘yicha o‘tkazilgan O‘zbekiston chempionatining 2-bosqichi yakunlariga ko‘ra, yana bir faxrli talabamiz o‘zining salohiyati va mardliligini amalda namoyon etdi.

Chirchiq davlat pedagogika universiteti Jismoniy madaniyat fakulteti 1-bosqich talabasi Yo'ldoshboyeva Zulfiya Ravshan qizi, 21–40 yoshlar toifasida, 70 kg vazn kategoriyasida qatnashib, kuchli raqiblar bilan kechgan shiddatli bahslarda kombo yo‘nalishida yuksak mahorat ko‘rsatdi.

U o‘zining mashaqqatli tayyorgarligi, qat’iyati va irodasi bilan barcha raqiblarini ortda qoldirib, faxrli 1-o‘rinni qo‘lga kiritdi hamda Jahon chempionatiga yo‘llanma olish baxtiga muyassar bo‘ldi.

Bu yutuq nafaqat Zulfiya uchun, balki butun universitetimiz va sport sohasida faoliyat yuritayotgan yoshlarga katta ilhom va faxr manbaidir. Zulfiya sport orqali yoshlarimizga kuch, jasorat va mehnatsevarlik timsoli bo‘lib xizmat qilmoqda.

Chempionimizni ushbu yuksak yutug‘i bilan chin dildan tabriklaymiz! Kelgusi xalqaro musobaqalarda ham Vatanimiz bayrog‘ini yana baland ko‘tarisiz, degan umiddamiz.

Shu bilan birga, Zulfiyaga o‘qishlarida ham yutuqlar, mustahkam bilim va porloq kelajak tilaymiz.

G‘alaba – sizga yarashadi, chempionimiz!