Tabiiy fanlar fakultetida “Kelajak soati” darsi o‘tkazildi

Kategoriyalar:
E'lonlar

Chop etilgan sana: 30 Noyabr 2025 20:46 Ko'rishlar: 57

2025 yil 1 dekabr kuni Tabiiy fanlar fakultetida “Mening huquqlarim” mavzusidagi Kelajak soati darsi bo‘lib o‘tdi. Mashg‘ulot inson huquqlari va erkinliklarining hayotimizdagi o‘rni, huquq va majburiyatlar uyg‘unligini anglash hamda talabalar huquqiy ongini mustahkamlashga qaratildi.

Dars davomida talabalar O‘zbekiston Respublikasi Konstitutsiyasi va amaldagi qonunlardagi asosiy huquqiy normalar bilan tanishib, ularni hayotiy misollar orqali o‘z tajribalariga bog‘lab ko‘rdilar. Bu jarayon ularda qonunlarga hurmat, mas’uliyatli fuqaro bo‘lish hamda o‘z huquqlarini himoya qilish ko‘nikmalarini shakllantirishga xizmat qildi.

Mazkur mashg‘ulot fakultet dekan o‘rinbosari R. Xamrayev hamda fakultet tyutorlari tomonidan olib borildi.