Toshkentning eng ilhomlantiruvchi maskanlaridan biri - "G‘alaba bog‘i"ga tashrif

Turizm fakulteti talabalari Toshkentning eng ilhomlantiruvchi maskanlaridan biri - "G‘alaba bog‘i"ga tashrif buyurishdi.

Bu nafaqat sayohat, balki tarixga virtual teleport bo‘ldi. Talabalar muzeydagi jonli ekspozitsiyalar, urush yillarini aks ettiruvchi installatsiyalar va qahramonlarimizga bag‘ishlangan memoriallar orqali o‘sha davr ruhini his qilishdi.

Majmuadagi muzey, yodgorliklar va interaktiv ko‘rgazmalar talabalar uchun katta taassurot qoldirdi.

Tashrif davomida ular Vatan himoyachilarining mashaqqatli mehnati, tarixiy faktlar va qahramonliklar haqida qimmatli ma’lumotlarga ega bo‘lishdi.

Tashrif yakunida talabalar o‘z taassurotlarini baham ko‘rib, bunday ma’rifiy tadbirlarning ahamiyati yuqori ekanligini ta’kidlashdi.

Vatan tarixini bilish — kelajakni mustahkamlash!