Universitet rektori Prorektorlar kengashi yig‘ilishida ishtirok etdi

Chirchiq davlat pedagogika universitetida Yoshlar masalalari va ma’naviy-ma’rifiy ishlar bo‘yicha birinchi prorektorlar kengashining navbatdagi yig‘ilishi bo‘lib o‘tmoqda.

Universitet rektori G‘ofurjon Muxamedov yig‘ilishda ishtirok etib, barcha qatnashchilarni samimiy tabrikladi. U Kengashning aynan Chirchiq davlat pedagogika universitetida o‘tkazilayotgani o‘ziga xos ahamiyatga ega ekanini ta’kidladi hamda universitetda ma’naviy-ma’rifiy jarayonlar izchil va yaxlit tizim asosida tashkil etilganini alohida qayd etdi.

Muloqot davomida yoshlar dunyoqarashini shakllantirish, ma’naviy-axloqiy tarbiya, g‘oyaviy-ma’naviy targ‘ibot, estetik va badiiy havaskorlikni rivojlantirish, madaniy dam olishni samarali yo‘lga qo‘yish masalalari muhokama qilindi.