Universitetimiz ijodkor qizlari Alisher Navoiy nomidagi Davlat adabiyot muzeyiga tashrif buyurdi.

Tashrif davomida talabalar O‘zbekistonning eng yirik ilmiy-ma’rifiy maskanlaridan biri — Alisher Navoiy nomidagi Davlat adabiyot muzeyi faoliyati bilan yaqindan tanishdilar. 1939-yilda tashkil etilgan ushbu muassasada o‘zbek xalqining bebaho adabiy merosi, milliy tafakkuri va ma’naviy tarixini aks ettiruvchi noyob yodgorliklar jamlangan.

Muzey fondida 17 mingdan ortiq eksponatlar — badiiy asarlar, qadimiy qo‘lyozmalar, hujjatlar, arxeologik topilmalar hamda o‘zbek adabiyoti va madaniyatining ko‘p asrlik taraqqiyotini yoritib beruvchi materiallar saqlanadi. Ushbu tashrif ijodkor talabalarning adabiyotga bo‘lgan qiziqishini yanada oshirib, milliy merosimizni chuqurroq anglashlariga xizmat qildi.