“Yoshlarning tashabbusini qo‘llab quvvatlash bo‘yicha qo‘shimcha imkoniyatlar”


Yoshlarning tashabbuslarini qo‘llab-quvvatlash maqsadida 2025-yil 18-may kuni Chirchiq davlat pedagogika universiteti “Umumiy pedagogika” kafedrasi professor-o‘qituvchilari M.Q. Raxmanova, R. Musurmonov, X.A. Kadirova, S.R. Abdalova, X. Ochilova, R.R. Karimov, D.E. Karshiyeva, Z.M. Kabirova, N.Y. Perdesheva, M. Ernazarova, I.V. Qaynarova va M.S. Janbayeva Chirchiq shahridagi 20-sonli umumiy o‘rta ta’lim maktabiga tashrif buyurdilar.
“Yoshlar kuni” doirasida “G‘aroyib miya” dasturi tashkil etilib, o‘quvchilar diqqat, xotira, tafakkur va tasavvurni rivojlantirishga qaratilgan mashqlar bilan tanishtirildi. Dastur mazmunini belgilashda bolalarning yoshi, rivojlanish xususiyatlari va individual ehtiyojlarini hisobga olish muhimligi ta’kidlandi. Jumladan, matn mazmunini tushunish va eslab qolishni yengillashtirish uchun ko‘rgazmali tasvirlar, obrazli ifodalar va amaliy mashqlardan foydalanish tavsiya etildi.
Kichik yoshdagi o‘quvchilar uchun tinish belgilarini to‘g‘ri qo‘llashga doir interfaol o‘yinlarni tashkil etish, matematika darslarida esa geometrik shakllar bilan ishlash orqali fazoviy tasavvur va mantiqiy fikrlashni rivojlantirishga e’tibor qaratildi. Bunday topshiriqlar o‘quvchilarning bilish faolligini oshirish va o‘zlashtirgan bilimlarini amalda qo‘llash ko‘nikmalarini mustahkamlashga xizmat qiladi.
Shuningdek, o‘quvchilarning ijodiy fikrlashini rivojlantirishga yo‘naltirilgan mashg‘ulotlarni muntazam o‘tkazish maqsadga muvofiqligi qayd etildi. “Yoshlar kuni” doirasidagi tadbirlarni neyropedagogik yondashuv asosida tashkil etish o‘quvchilarning individual ta’lim ehtiyojlarini hisobga olish, o‘rganish qobiliyatlarini rivojlantirish hamda psixoemotsional barqarorligini qo‘llab-quvvatlashga yordam beradi.


O‘quvchilar tomonidan o‘qituvchilar haqida rasmlar, hikoyalar va videolar tayyorlash va ularning tasvirlangan qiyofalarini muhokama qilish orqali o‘qituvchilarning faoliyati va kasbiy faoliyat haqidagi qarashlarning tahlili o‘tkaziladi. Ushbu tadbirlar o‘qituvchilarning kasbiy o‘sishiga, ta’lim-tarbiya sifatining oshirilishiga hamda ta’lim jarayoni qatnashchilarining faolligini oshirishga xizmat qiladi.