Zaripova Ziyodajon Rustam qizi – til o‘rgatish metodikasi va lingvistik tadqiqotlar bilan faol shug‘ullanayotgan yosh olima. U O‘zbekiston Milliy universitetining lingvistika (nemis tili) yo‘nalishini muvaffaqiyatli tamomlagan. Talabalik yillaridanoq ilm-fan sohasiga qiziqish bildirgan va lingvistikaning turli yo‘nalishlarida chuqur izlanishlar olib borgan.
Pedagogik faoliyatini 2022-yilda Chirchiq davlat pedagogika universiteti Nemis tili kafedrasida boshlagan. Hozirda u shu kafedrada o‘qituvchi sifatida faoliyat olib bormoqda. O‘z darslarida zamonaviy til o‘rgatish metodlaridan samarali foydalangan holda, talabalar bilan interaktiv va ilmiy asoslangan yondashuv asosida ishlaydi.
Zaripova Ziyodajonning ilmiy faoliyati ham e’tiborga molik. U lingvistika va tilshunoslikning dolzarb masalalariga bag‘ishlangan 10 dan ortiq ilmiy maqola va tezislar muallifi hisoblanadi. Uning ilmiy ishlari asosan nemis tili o‘qitish metodikasi, tarjimashunoslik va sotsiolingvistika sohalarini qamrab olgan. Shu bilan birga, u ilmiy-amaliy konferensiyalarda faol ishtirok etib kelmoqda.
Zaripova Ziyodajon Rustam qizi 2016–2020 yillarda Urganch davlat universitetining Xorijiy filologiya (nemis tili) yo‘nalishi bo‘yicha bakalavr bosqichini muvaffaqiyatli tamomlagan. Shundan so‘ng, 2020–2022 yillar davomida O‘zbekiston Milliy universitetida Lingvistika (nemis tili) mutaxassisligi bo‘yicha magistratura bosqichida tahsil olib, ilmiy faoliyatini davom ettirgan.
2022-yildan boshlab u “Talabalarda sotsiolingvistik kompetensiyani shakllantirish metodikasini takomillashtirish (nemischa anekdotlar vositasida)” mavzusida falsafa doktori (PhD) ilmiy darajasini olish uchun izlanish olib bormoqda. Uning tadqiqotlari nemis tilini o‘qitishda innovatsion yondashuvlarni qo‘llash, til va madaniyat o‘zaro bog‘liqligi hamda sotsiolingvistik kompetensiyani rivojlantirish masalalarini qamrab oladi.
Bugungi kunga qadar Zaripova Ziyodajon 20 dan ortiq ilmiy maqola va tezislar, shuningdek, 1 ta hammualliflikdagi o‘quv qo‘llanmaning muallifi hisoblanadi. U o‘z ilmiy izlanishlari bilan respublika va xalqaro miqyosdagi ilmiy-amaliy anjumanlarda faol ishtirok etib kelmoqda.
