INSON QADRI USTUVOR: TAZYIQ VA ZO‘RAVONLIKSIZ MEHNAT MUHITINI YARATISH YO‘LIDA MUHIM QADAM

INSON QADRI USTUVOR: TAZYIQ VA ZO‘RAVONLIKSIZ MEHNAT MUHITINI YARATISH YO‘LIDA MUHIM QADAM
Yuqori Chirchiq tumani tashkilotlari xodimlari uchun «Davlat mehnat sohasida xavfsiz va hurmatga asoslangan ish muhitini ta’minlash hamda tazyiq va zo‘ravonlikning oldini olish» mavzusida o‘quv-trening mashg‘uloti tashkil etildi.
Mazkur treningni malakali trener, pedagogika fanlari bo‘yicha falsafa doktori (PhD), dosent v.b. Ilmurodova Feruza Shakirovna olib bordi.
Trening davomida ishtirokchilarga mehnat munosabatlarida gender tengligini ta’minlash, tazyiq va zo‘ravonlikning oldini olish, xodimlarning huquq va qonuniy manfaatlarini himoya qilish, murojaatlar bilan ishlash hamda jabrlangan shaxslar bilan xavfsiz va hurmatga asoslangan muloqot olib borish bo‘yicha muhim bilim va amaliy ko‘nikmalar berildi.
Mashg‘ulotlar interaktiv usullar, amaliy topshiriqlar, hayotiy vaziyatlar va keys-simulyatsiyalar asosida tashkil etilib, ishtirokchilarning mavzu yuzasidan bilim va malakalarini mustahkamlashga alohida e’tibor qaratildi.
Zero, inson qadri ulug‘langan, o‘zaro hurmat, ishonch va tenglik tamoyillari qaror topgan mehnat muhiti — samarali faoliyat va barqaror taraqqiyotning muhim garovidir!