“ISTIQLOL G‘UNCHALARI” RESPUBLIKA TANLOVI O‘TKAZILADI.

“Ziyoli avlod” madaniyat va ma’rifat markazi tomonidan o‘quvchi-yoshlar o‘rtasida “Istiqlol g‘unchalari” respublika tanlovini tashkil etish va o‘tkazish rejalashtirilgan. Mazkur tanlov o‘quvchi va talabalarning umumta’lim fanlari bo‘yicha bilim va salohiyatini sinovdan o‘tkazish bilan bir qatorda, ularning ijodiy qobiliyatlarini namoyon etishlari uchun ham keng imkoniyat yaratishga qaratilgan bo‘lib, tanlov g‘oliblari oliy sovrin – avtomobil, qimmatbaho sovg‘alar, pul mukofotlari va esdalik sovg‘alar bilan taqdirlanadi. Shunindek, ularni tayyorlagan o‘qituvchilar ham pul mukofotlari bilan rag‘batlantirilishi ko‘zda tutilgan. Yuqoridagi tanlov doirasida kitobxonlik, insholar tanlovi, ingliz tili, matematika fanlari bo‘yicha bilim, mantiqiy va kreativ fikrlash hamda madaniyat va san’at yo‘nalishlaridagi ijodiy qobiliyatlarni aniqlash, iqtidorli o‘quvchilarni qo‘llab quvvatlash va ularning intellektual hamda ijodiy salohiyatini yuzaga chiqarish ko‘zda tutilgan.