REKTOR TOPSHIRIQLARI IJROSI YUZASIDAN FAKULTETLARDA TUSHUNTIRISH ISHLARI OLIB BORILMOQDA
Rektor topshiriqlari ijrosi yuzasidan fakultet professor-o‘qituvchilari bilan uchrashuv o‘tkazildi
2026-yil 2-sentabr kuni Chirchiq davlat pedagogika universitetida rektor topshiriqlari ijrosini ta’minlash maqsadida Ilmiy ishlar va innovatsiyalar bo‘yicha prorektor Baxodir Eshchanov tomonidan Tabiiy fanlar fakulteti professor-o‘qituvchilari bilan uchrashuv o‘tkazildi.
Uchrashuv davomida universitet faoliyatining ustuvor yo‘nalishlari hamda yangi o‘quv yilida amalga oshirilishi lozim bo‘lgan muhim vazifalar yuzasidan batafsil tushuntirishlar berildi.
Xususan, universitet tashkil topganligining 10 yilligiga tayyorgarlik ishlarini yuqori saviyada tashkil etish, professor-o‘qituvchilar faoliyatini universitetning strategik rivojlanish yo‘nalishlari bilan uyg‘unlashtirish, sun’iy intellekt texnologiyalarini o‘quv jarayoniga integratsiya qilish, universitetning xalqaro reytinglardagi ko‘rsatkichlarini yuksaltirish, mustaqil izlanuvchi, tayanch doktorant va doktorantlar faoliyatini o‘quv jarayoni bilan uyg‘unlashtirishning zamonaviy mexanizmlarini joriy etish, talabalar mustaqil ta’limini tashkil etishning zamonaviy yondashuvlarini kengaytirish, dual ta’limni rivojlantirish, xalqaro hamkorlik aloqalarini yanada mustahkamlash, cspu.uz saytida professor-o‘qituvchilar profillarini muntazam yangilab borish, talabalar to‘garaklari faoliyatini jonlantirish, shuningdek, ilmiy loyihalar, grantlar va startaplar faoliyatini yangi bosqichga olib chiqish, ilmiy ishlanmalar, intellektual mulk hamda mualliflik huquqi bilan himoyalangan ilmiy-ijodiy ishlar ulushini oshirish masalalariga alohida e’tibor qaratildi.
Uchrashuv yakunida professor-o‘qituvchilarga belgilangan vazifalarni sifatli va o‘z vaqtida amalga oshirish, universitetning ilmiy, innovatsion va ta’lim salohiyatini yanada yuksaltirish bo‘yicha tegishli tavsiya va topshiriqlar berildi.