Chirchiq davlat pedagogika universitetida Oliy ta’lim, fan va innovatsiyalar vazirligi huzuridagi Innovatsion rivojlanish agentligining Toshkent viloyati Innovatsion rivojlanish bo‘linmasi tomonidan “Eng yaxshi foydali model” tanlovi doirasida loyihalar taqdimoti tashkil etildi.
“DRIP AI” loyihasi
Aqlli tomchilatib sug‘orish va monitoring tizimi qishloq xo‘jaligida suv resurslaridan samarali foydalanish, sug‘orish jarayonlarini kuzatish va ularni zamonaviy texnologiyalar asosida boshqarishga yo‘naltirilgan.
Taqdimot davomida ishtirokchilarga loyihaning mazmun-mohiyati, asosiy maqsad va vazifalari, texnologik yechimlari hamda amaliyotda qo‘llash imkoniyatlari haqida batafsil ma’lumot berildi.
Taqdimot yakunida loyihaning amaliy ahamiyati, innovatsion jihatlari va uni kelgusida yanada takomillashtirish istiqbollari yuzasidan fikr-mulohazalar bildirildi.