Ushbu maqolada bo‘lajak boshlang‘ich sinf o‘qituvchilarini inklyuziv ta’lim
faoliyatiga tayyorlashning nazariy-metodologik asoslari, pedagogik shart-sharoitlari va amaliy
mexanizmlari yoritilgan. Inklyuziv ta’limni tashkil etishda pedagogning kasbiy kompetentligi,
psixologik tayyorgarligi, individual yondashuvni amalga oshirish ko‘nikmalari hamda alohida ta’lim
ehtiyojlari bo‘lgan o‘quvchilar uchun qulay ta’lim muhitini yaratish qobiliyatining ahamiyati tahlil
qilingan. Shuningdek, bo‘lajak o‘qituvchilarni tayyorlash jarayonida nazariy bilimlarni amaliy
faoliyat bilan uyg‘unlashtirish, differensial ta’lim, hamkorlikda o‘qitish, refleksiv yondashuv va
pedagogik amaliyot imkoniyatlaridan foydalanish bo‘yicha ilmiy-metodik tavsiyalar ishlab
chiqilgan. Maqolada inklyuziv ta’limning huquqiy asoslari hamda xalqaro pedagogik yondashuvlar
bilan milliy ta’lim amaliyotining o‘zaro aloqadorligi ochib berilgan.