BOSHLANGʻICH SINF OʻQUVCHILARINING KREATIVLIK FIKRINI RIVOJLANTIRISH
QR kod:
Yuklab olishlar
Kreativlik (lot., ing. “create” – yaratish, “creative” – yaratuvchi, ijodkor) –
individning yangi g‘oyalarni ishlab chiqarishga tayyorlikni tavsiflovchi hamda
mustaqil omil sifatida iqtidorlilikning tarkibiga kiruvchi kreativlik qobiliyati
ma‘nosini ifodalaydi. Shaxsning kreativligi uning tafakkurida, muloqotida, his
tuyg‘ularida, muayyan faoliyat turlarida namoyon bo‘ladi. Kreativlik shaxsni yaxlit
holda yoki uning muayyan xususiyatlarini, zehni o‘tkirlikni tavsiflaydi. Shuningdek,
kreativlik iqtidorning muhim omili sifatida aks etadi. Kreativlik qobiliyatlarning
tarkibiy qismlari masalasi bo‘yicha yuqorida keltirilgan nuqtai nazarlarni tahlil qilib,
xulosa qilishimiz mumkinki, ularni aniqlashga bo‘lgan yondashuvlar farqiga
qaramay, tadqiqotchilar bir ovozdan kreativ tasavvur va kreativ fikrlash sifatini
kreativlik qobiliyatlarning majburiy tarkibiy qismlari sifatida belgilaydilar
Kreativlik qobiliyati yuksak kreativ rivojlanish omili bo‘lib, faoliyatning turli
jabhalarida, jumladan, nutqiy, yozma-ijodiy va boshqa ko‘pgina turlarda
ifodalanadi. Maktab o‘quvchilarida kreativlik qobiliyatni rivojlantirish, birinchi
navbatda, shaxsga yo‘naltirilgan yondashuvni, emotsional-psixik kayfiyatni, faol,
ijodiy tasavvurni, o‘zo‘zini faollashtirish, mustaqillik, o‘z-o‘zini nazorat qilish,
namoyon qilish, ifodalash, baholash, o‘quv jarayonida ta’limning innovatsion
texnologiyalaridan foydalanishni talab etadi. Qobiliyatlar ruhiy-individual
xususiyatlar majmui hisoblanib, mahsuldor faoliyat uchun muhim bilim, ko‘nikma
va malakalarni egallash imkonini beradi.
