Boshlang‘ich ta’limda STEAM yondashuvining ahamiyati va rivojlanish istiqbollari
QR kod:
Yuklab olishlar
Ta’lim–mamlakat kelajagining ko’zgusi. Bilimni boyitish amaliy jihatdan kasbiy
ko’nikmalarni shakllantirishga erishishdagi imkoniyatlaridan keng foydalanish ta’lim va
tarbiya jarayoning alohida amaliy ahamiyatini aks ettiradi. Bu hozirgi kunda ta’lim va ishlab
chiqarish o’rtasidagi bilvosita aloqadorlikni ta’minlashga nisbatan dolzarb talablarni
shakllantiradi. Bu esa ta’lim va ishlab chiqarishning o’rtasidagi bilvosita aloqadorlikni
zamonaviy o’qitishning STEAM texnologiyalaridan keng foydalanishning yangi usullarini
ishlab
chiqishga undaydi. Boshlang’ich ta’lim o’quv mashg’ulotlarida STEAM
texnologiyalaridan foydalanish va ta’limni texnologiyalashtirishning siyosiy omillarini
yoritishda O’zbekiston Respublikasi Prezidentining 2018-yil 5-sentabrdagi “Xalq ta’limini
boshqarish tizimini takomillashtirish bo’yicha qo’shimcha chora-tadbirlar togrisidagi PF
5538 farmonida rahbar va pedagog xodimlarni tanlash, tayyorlash, qayta tayyorlash va
malakalarini oshirishning ilg’or mexanizmlarini tatbiq etish yo’li bilan xalq ta’limi tizimida
kadrlar siyosatini shakllantirishning zamonaviy tamoyillarini joriy egishdagi jarayonlar
mazmunini keltirib o’tish maqsadga muvofiqdir. Zamonaviy ta’limni amaliy ahamiyatini
oshirishda STEAM texnologiyasining o’rni katta.
Avvalo, STEAM nima? ‐ degan savolga javob bersak. STEAM ta’lim texnologiyasi
maktab o’quvchilarini yangicha o’qitish metodikasi bo’lib, an’anaviy o’qitish
metodikasidan farqli metodika hisoblanadi. U o’quvchilarni bir vaqtning o’zida 5 ta–fan
(Science), texnologiya (Technology), muhandislik (Engineering), tasviriy san’at (Art),
matematika (Math) bo’yicha o’qitishga mo’ljallangan.
STEAM fan bo’yicha emas, balki mavzular bo’yicha integratsiyalashgan o’qitish
tizimidir. STEAM ta’limi deganda amaliy mashg’ulotlar yordamida ilmiy-texnik bilimlarni
real hayotda qo’llash tushuniladi. Prezident maktablarida “STEAM” ta’lim dasturi asosida
o’qish tashkil qilinishi, 9-11-sinflarda o’quvchilar o’zlarining qiziqishiga qarab ayrim
fanlarni tanlash orqali individual bilim olish imkoniyatiga ham ega bo’lishi bilan
umumta’lim maktablaridan tubdan farq qiladi. Chunki Prezident maktablarining asosiy
vazifalaridan biri tabiiy va aniq fanlarni chuqur o’qitish, ularning intelektual salohiyatini
ochib berish va rivojlantirishdan iborat.
