CHDPU YOSHLAR AKADEMIYASI LIDERLARI “ENG YAXSHI KREATIV G‘OYA” RESPUBLIKA TANLOVI BOSQICHIDA O‘Z INNOVATSION LOYIHALARINI HIMOYA QILISHDI!
O‘zbekiston Respublikasi Prezidenti Sh.M. Mirziyoyev tashabbusi bilan yoshlarning innovatsion salohiyatini qo‘llab-quvvatlash, startap ekotizimini rivojlantirish hamda kreativ g‘oyalarni amaliyotga joriy etish maqsadida tashkil etilgan “Eng yaxshi kreativ g‘oya” respublika tanlovining navbatdagi bosqichi bo‘lib o‘tdi.
Tanlovning oliy ta’lim muassasalari bosqichi yakunlariga ko‘ra, universitetimizning 3 nafar iqtidorli talabasi o‘z startap loyihalari bilan respublika bosqichida ishtirok etish imkoniyatini qo‘lga kiritdi.
💡 Respublika tanlov komissiyasi oldida loyihalarini muvaffaqiyatli himoya qilgan talabalarimiz:
😎Sirojiddinov Odiljon Ilxomjonovich - “KO‘RG‘ON AI” loyihasi
😎 Zuhriddinov Farrux Faxriddinovich - “SMART DAVOMAT” loyihasi
😎Omonova Xurshidabonu Shokir qizi- “WINDPOWER” loyihasi
Talabalarimiz ZOOM platformasi orqali respublika tanlov komissiyasi huzurida o‘z loyihalarining dolzarbligi, innovatsion yechimlari va amaliy ahamiyatini taqdim etishdi.
Mazkur tanlov g‘oliblariga startap loyihalarini rivojlantirish uchun oliy ta’lim tashkilotlarining budjetdan tashqari mablag‘lari hisobidan 300 million so‘mgacha grant mablag‘lari ajratilishi ko‘zda tutilgan.
🏆 Respublika bosqichi yakuniy natijalari 2026-yil 25-iyun kuni e’lon qilinishi kutilmoqda.
✨Universitetimiz nomidan yosh innovatorlarimizga respublika bosqichida omad va ulkan zafarlar tilaymiz!
🚀Yangi g‘oyalar — yangi imkoniyatlar sari yo‘l!