“AI TALABA-2026” SUN’IY INTELLEKTGA ASOSLANGAN ENG YAXSHI TA’LIMIY VA INNOVATSION LOYIHA

“AI TALABA-2026” 

SUN’IY INTELLEKTGA ASOSLANGAN ENG YAXSHI TA’LIMIY VA INNOVATSION LOYIHA 

TANLOVI GUMANITAR FANLAR FAKULTETI BOSQICHI 

 NIZOMI 

1.UMUMIY QOIDALAR 

1.1.Tanlovning maqsadi:Universitet rektorining 23 dekabr 2025-yildagi “2026 yilda Chirchiq davlat pedagogika universiteti Sun’iy intellekt texnologiyalarini ta’lim jarayoniga tadbiq etish bo’yicha reja-dasturning 3-bandiga ko’ra, hamda Fakultet dekanining 2026-yil yanvardagi farmoyishini ijrosini ta’minlash, hamda talabalarning sun’iy intellektga bo’lgan qiziqishini oshirish

1.2.Tanlov  tashkilotchisi : Gumanitar fanlar fakulteti

2.ASOSIY QOIDALAR

2.1. Tanlovda Gumanitar fanlar fakultetining bakalavr (kunduzgi) ta’lim talabalari ishtirok etadi

2.2. Tanlov 3 yo’nalishda olib borilad:. 

Birinchi yo’nalish- Eng yaxshi videorolik (Sun’iy intellektga asoslangan 3-5 daqiqalik videorolik). Bunda ishtirokchi fakultet faoliyatini (ta’lim, ma’naviy-ma’rifiy ishlar, ilmiy- ishlar) yoritishi va videorolikda uning ovozi ishtiroki ta’minlanishi lozim. Ushbu loyihada ishtirokchilar tomonidan yuborilgan eng yaxshi videoroliklar ishchi guruh tomonidan saralanadi hamda yashirin ovoz berish yo’li orqali g’olib aniqlanadi.

Ikkinchi yo’nalish- Eng yaxshi start-up loyiha (Ta’lim jarayonlariga tadbiq etiladigan hamda sun’iy intellektga asoslangan, mustaqil ta’limga moslashtirilgan pedagogik loyiha). Loyiha muallifi 5 daqiqaga mo’ljallangan taqdimot tayyorlashi hamda loyihaning maqsadi va kelajakda kutilayotgan natijalari bo’yicha taqdimot qilishi lozim. Mazkur loyihada agar ishtirokchilar ko’p bo’lsa, eng yaxshi 10 ta loyiha tanlab olinadi va ularning taqdimotlari namoyish etialdi. Mazkur tanlov ochiq holatda o’tkazilib Gumanitar fanlar fakulteti Smart xonasida o’tkaziladi. Tanlov 2026-yil 18-may kuni o’tkazilishi rejalashtirilgan. 

Uchinchi yo’nalish – Eng yaxshi maqola (“Sun’iy intellektni ta’limga tadbiq etish” mavzusida tezislar tanlovi). Mazkur tanlovda hajmi 3-5 betdan iborat tezislar qabul qilinadi. Mazkur tanlovda eng yaxshi tezislar saralanib yakunda to’plam tashkil qilinadi. Eng yaxshi tezislar (1-2-3 o’rinlar) saralanib g’olib deb e’lon qilinadi. 

3.Yakunlovchi qoidalar

3.1. Tanlovga materiallar 2026 yil 15 maygacha qabul qilinadi. Materiallar (video, taqdimot, tezis) +998977011373 @TSkeptic ga yuborililishi lozim. 

3.2. Tanlovga yuborilgan materiallar ishonchliligi va haqqoniyligiga mualliflarning shaxsan o’zi javobgar.  

3.3. Tanlovga kiritilmagan va rad etilgan materiallar bo’yicha tanlov tashkilotchilari izoh berish majburiyatini olmagan .

3.5. Tanlov ishtirokchilari o’z materiallarini o’z ona tilida (rus, o’zbek, tojik, qozoq) taqdim etishi va tanlovda ishtirok etishi mumkin. 

3.4. Tanlovda har bir yo’nalish bo’yicha 1-2-3 o’rinlar aniqlanadi va taqdirlanadi

Birinchi o’rin (1) -sertifikat, kitoblar va maxsus sovg’a bilan taqdirlanadi

Ikkinchi o’rin (2) -sertifikat, kitoblar va maxsus sovg’a bilan taqdirlanadi

Uchinchi o’rin (3) -sertifikat, kitoblar va maxsus sovg’a bilan taqdirlanadi

4. Fors-major holatlari 

4.1. Eng yaxshi start-up tanlovi texnik sabablarga ko’ra, boshqa kunga ko’chirilishi mumkin. (Bunda tashkilotchilar bir kun oldin ishtirokchilarni ogohlantiradi)

4.2. Tanlovga yetarlicha (kamida 8ta) material (video, taqdimot va tezis) kelib tushmasa, ushbu tanlov o’tkazilmaydi va g’olib aniqlanmaydi 

4.3 Tashkilotchilar tanlov kunigacha  va tanlov kuni sovg’alar bo’yicha o’zgartirish kiritishi mumkin. 

4.4. Tanlovda yuzaga keladigan boshqa barcha bahsli masalalar ishchi guruh tomonidan hal qilinadi.