Loyiha maqsadi

Yoshlarda ilm-fanga qiziqishni kuchaytirish, olimlarning jamiyatdagi nufuzini yuksaltirish hamda ularning hayoti va yutuqlarini keng targ‘ib qilish.

Loyiha haqida

Chirchiq davlat pedagogika universitetida “Ilm-fan qahramonlari — yoshlarga namuna” loyihasi yo‘lga qo‘yilmoqda.

Loyiha doirasida mamlakatimiz ilm-fani rivojiga munosib hissa qo‘shgan allomalar, universitetda faoliyat yuritayotgan olimlar, ixtirochilar hamda muhim natijalarga erishgan yosh tadqiqotchilar faoliyati keng yoritiladi.

Loyiha doirasida

🔹 Olimlar, ixtirochilar va yosh tadqiqotchilar faoliyati yoritiladi.

🔹 Ularning portreti, ilmiy yo‘nalishi va muhim yutuqlari aks etgan elektron lavhalar tayyorlanadi.

🔹 Olimlarning hayoti va ilmiy faoliyatiga bag‘ishlangan qisqa videoroliklar yaratiladi.

🔹 Har bir lavhaga batafsil ma’lumot beruvchi sahifaga olib boradigan QR-kod joylashtiriladi.

🔹 “Bir ixtiro tarixi” va “Ilm bilan erishilgan yutuq” ruknlarida har hafta yangi materiallar e’lon qilinadi.

🔹 Olimlar bilan uchrashuvlar, ochiq laboratoriya kunlari va ilmiy to‘garaklar faoliyati tashkil etiladi.