Tavsif:Ushbu darslikda “Kasbiy ma’naviyat” fanining mazmun-mohiyati, asosiy tamoyillari, maqsad va vazifalari, jamiyat hayotidagi o‘rni va ahamiyati, keng ilmiy jamoatchilikning inson ma’naviyatining shakllanishi borasidagi nazariy qarashlari o‘rin olgan. Shuningdek, Qadimgi Sharqda din va ma’naviy dunyoqarash, Uyg‘onish davri Sharq va G‘arb xalqlari ma’naviy dunyosi, dunyo xalqlarining milliy mentaliteti, millatlararo munosabatlardagi sotsiomadaniy muammolar, globallashuv va axborotlashuv sharoitida namoyn bo‘layotgan ma’naviy tahdidlar, ularga qarshi kurashda mutaxassis ma’naviyatining o‘rni, kasbiy etikaga oid masalalar ilmiy- nazariy va falsafiy jihatdan teran tahlil etilgan.
Darslikni tayyorlashda O‘zbekiston Respublikasi qonunlari, O‘zbekiston Respublikasi Prezidentining sohaga oid qaror, farmon va farmoyishlari, ommaviy axborot vositalari materiallari, antik va Uyg‘onish davri Sharq va G‘arb mutafakkirlari, bugungi kundagi mahalliy va xorijiy olimlar, tadqiqotchilar, tahlilchi ekspertlarning fikr va mulohazalaridan foydalanildi.
Darslik professor-o‘qituvchilar, tadqiqotchilar, magistr va talabalar, ilmiy va amaliyot xodimlari hamda keng kitobxonlar ommasiga mo‘ljallangan.
