Xalqaro hamkorlik
Chirchiq davlat pedagogika universiteti Gumanitar fanlar fakulteti Oʻzbek adabiyotshunosligi va Oʻzbek tilshunosligi kafedralari professor-o‘qituvchilari joriy yilning 22-25-aprel kunlari Qozog‘istonning Xoʻja Ahmad Yassaviy nomidagi qozoq-turk universitetiga hamkorlik shartnomasi doirasida tashkil etilgan xizmat safariga borishdi. Kafedra oʻqituvchilari Turkiston shahrida bo‘lib, o‘zaro tajriba almashish va ilmiy hamkorlikni mustahkamlash borasida samarali ishlarni amalga oshirdi.
✅O‘zbek adabiyotshunosligi va Oʻzbek tilshunosligi kafedralari professor-o‘qituvchilari tomonidan qardosh universitet talabalari uchun mahorat darslari hamda an’anaviy dars mashg‘ulotlari o‘tkazildi;
✅Ustozlarimiz xalqaro standartlar asosida malaka oshirish kurslarida ishtirok etib, tegishli sertifikatlarni qo‘lga kiritdilar;
✅ Ikki oliy ta’lim muassasasi o‘rtasida filologiya va o‘qitish metodikasi yo‘nalishlarida istiqbolli rejalar belgilab olindi.
Ushbu tashrif nafaqat universitetimiz nufuzini xalqaro maydonda oshirishga, balki o‘qituvchilarimizning o‘zaro kasbiy mahoratini yuksaltirishga ham xizmat qildi.
Galereya
