MUSTAQILLIGIMIZNING 35 YILLIGIGA BAG‘ISHLANGAN IJODIY ISHLAR TANLOVI E’LON QILINDI.
“Yagona Vatan, yagona xalq bo‘lib, yangi hayot va kelajak yaratamiz!”
O‘zbekiston Respublikasi davlat mustaqilligining 35 yilligiga bag‘ishlangan talabalar ijodiy ishlari tanlovi.
Ijodkor yoshlar uchun yangi imkoniyat
Oliy ta’lim, fan va innovatsiyalar vazirligi hamda “Jadid” adabiy, ilmiy-ma’rifiy va ijtimoiy haftalik gazetasi hamkorligida Mustaqilligimizning 35 yilligiga bag‘ishlangan ijodiy ishlar tanlovi e’lon qilindi.
Tanlov talabalarning ijodiy fikrlashi va badiiy tasavvurini rivojlantirish, yoshlarda Vatanga muhabbat va sadoqat tuyg‘ularini mustahkamlash, “O‘zbekiston – 2030” strategiyasi g‘oyalarini keng targ‘ib etishga qaratilgan.
Yurtimizda amalga oshirilayotgan islohotlar, milliy qadriyat va an’analar, Vatan, xalq hamda kelajak mavzularini ijodiy-badiiy talqin etuvchi ishlar tanlovga qabul qilinadi.
Tanlov Nizomi bilan tanishing
Ijodiy ishni tayyorlash va yuborishdan avval tanlov talablari, baholash mezonlari hamda ishtirok etish tartibi bilan batafsil tanishib chiqing.