Ilmiy izlanishlar, yosh tadqiqotchilar yutuqlari va akademik faollik namunalari.
2025
🏅 Rajabboyeva Gulsevar
23/5-guruh talabasi Rajabboyeva Gulsevar
ToshDO‘TAU Yosh olimlar jamiyati tomonidan tashkil etilgan
ilmiy-amaliy anjumanda ilmiy maqolasi bilan faol ishtirok etib,
munosib taqdirlandi.
Ilmiy yutuq
24
Radio intervyu
O‘ZBEKISTON 24 · RADIO EFIR
Mo‘ydinova Arofatoy O‘rinovna bilan ilmiy suhbat
Chirchiq davlat pedagogika universiteti dotsenti v.b.
Mo‘ydinova Arofatoy O‘rinovna “O‘zbekiston 24” radiosi orqali
efirga uzatilgan dasturda ishtirok etib, o‘zbek milliy uyg‘onish adabiyoti,
uning ilmiy-nazariy asoslari hamda bugungi adabiyotshunoslikdagi dolzarb
masalalar yuzasidan intervyu berdi.
Suhbat davomida milliy adabiy merosni o‘rganish, ilmiy izlanishlarning
ahamiyati va yosh tadqiqotchilar uchun yaratilayotgan imkoniyatlar haqida
muhim fikrlar bildirildi.
Gumanitar fanlar fakulteti · O‘zbek adabiyotshunosligi kafedrasi ·
Arofat Muydinova
O‘zbek adabiyoti fanidan O‘TA 24/1-guruh talabalari bilan
Mahmudxo‘ja Behbudiy hayoti va ijodiga bag‘ishlangan seminar mashg‘uloti
ochiq dars shaklida tashkil etildi.
Turkiston jadidchilik harakati rahnamosi Mahmudxo‘ja Behbudiyning
pedagog, publitsist, siyosatchi va dramaturg sifatidagi ilmiy hamda
ijodiy faoliyati atroflicha tahlil qilindi.
Mashg‘ulot davomida talabalar Behbudiyning ma’rifatparvarlik faoliyati,
millat uyg‘onishidagi o‘rni hamda adabiy merosining bugungi kundagi
ahamiyati haqida keng qamrovli ma’lumotlarga ega bo‘ldilar.
Qizg‘in munozaralar, fikr almashuvlar va interaktiv muhokamalar bilan
boyigan seminar talabalar uchun nafaqat yangi bilim manbai, balki
ilmiy tafakkurni rivojlantirish maydoni bo‘lib xizmat qildi.
“Ochiq darsda qatnashgan magistrantlarning savollari va fikrlari
seminar mazmunini yanada boyitdi.”
JadidchilikBehbudiyOchiq darsIlmiy seminar
1. Zamonaviy o‘zbek hikoyachiligida psixologik tasvir poetikasi (Shukur Xolmirzayev hikoyalari misolida).
2. Haziniy she’riyatida diniy-tasavvufiy g‘oyalarning badiiy talqini.
3. Abdulla Qodiriy romanlarida folklor an’analarining badiiy talqini.
4. Said Ahmad hikoyalarida shaxs konsepsiyasi masalasi.
5. Furqat muvashshahlarining poetik xususiyatlari.
1.Muqimiy muvashshahlarining poetik xususiyatlari.
2. Zavqiyning muvashshah yaratish mahorati.
3. Bositxon Hariqiy muvashshahlarining badiiy xususiyatlari.
4. Haziniyning muvashshah yaratish mahorati.
5.Tohir Malik asarlarida o‘smirlar taqdiri va ma’naviy-axloqiy kamolot masalalari.
