O‘ZBEKISTON RESPUBLIKASI OLIY TA’LIM, FAN VA
INNOVATSIYALAR VAZIRLIGI

CHIRCHIQ DAVLAT PEDAGOGIKA UNIVERSITETI
AXBOROT XATI

O‘zbekiston Respublikasi Vazirlar Mahkamasining 2025 yil 4 noyabrdagi
“2025–2026 yillarda mamlakatimizda qatag‘on qurbonlari hayoti va faoliyatini
targ‘ib etish ishlarni yanada jadallashtirish bo‘yicha chora-tadbirlar dasturini
tasdiqlash to‘g‘risida”gi 691-sonli qarori hamda Oliy ta’lim, fan va innovatsiyalar
vazirligining topshiriqlari ijrosini ta’minlash maqsadida Chirchiq davlat pedagogika
universiteti Sizlarni “O‘zbekistonda qatag‘on qurbonlarining merosi: tarix,
xotira va ma’naviy saboqlar” mavzusidagi respublika ilmiy-amaliy anjumanida
ishtirok etishga taklif etadi.
Ushbu anjuman 2026 - yil 9 - sentyabr kuni Chirchiq davlat pedagogika
universitetida bo‘lib o‘tadi va milliy tarixini tiklash, qatag‘on qurbonlari xotirasini
abadiylashtirish hamda jadid ma’rifatparvarlarining bebaho merosini ilmiy
muhokama qilishga bag‘ishlanadi.
Anjumanning asosiy maqsadi — XX asrdagi siyosiy qatag‘onlar tarixiga oid
so‘nggi tadqiqot natijalari va arxiv manbalarini muhokama qilish, qatag‘on
qurbonlari xotirasini abadiylashtirishning zamonaviy usullarini ishlab chiqish
hamda tadqiqotchilar o‘rtasida ilmiy hamkorlikni mustahkamlashdan iborat.
Anjumanning asosiy yo‘nalishlari (shoʻbalari):
1-shoʻba: Jadidchilik harakati va ma’rifatparvarlarning ijtimoiy-siyosiy
faoliyati.

2-shoʻba: XX asrning 20–50-yillaridagi siyosiy qatag‘onlar tarixi va
manbashunosligi.

3-shoʻba: Mustaqillik yillarida qatag‘on qurbonlari xotirasini
abadiylashtirish va muzeylashtirish amaliyoti.

Ilmiy-amaliy anjumanda ishtirok etish uchun oliy ta’lim muassasalarining
professor-o‘qituvchilari, ilmiy-tadqiqot institutlari, muzeylar va arxivlar xodimlari,
doktorantlar, mustaqil tadqiqotchilar hamda yosh olimlar taklif etiladi.
Anjumanda ishtirok etish istagida bo‘lganlar 2026 yil 8 sentyabrga qadar
ko‘rsatilgan manziliga ishtirok uchun maqola va tezislarini yuborishlari lozim.
Anjumanning ishchi tillari: o‘zbek, rus va ingliz tillari.
Anjuman materiallariga qo‘yiladigan talablar:
• Tezislar va maqolalar (5–6 bet) Microsoft Word dasturida, “Times New
Roman” shriftida, 14 hajmda, 1,5 interval bilan yozilishi kerak. Chap qirrasi
3 sm, o‘ng qirrasi 1,5 sm, yuqori va past qirralari 2 sm bo‘lishi lozim.
• Materiallar elektron shaklda RTF formatida taqdim etiladi.

• Fayl nomi muallifning familiyasiga muvofiq bo‘lishi kerak (masalan:
Karimov_tezis.rtf).
• Maqola nomi BOSH HARFLARDA yozilishi lozim. Maqola nomidan oldin
muallifning to‘liq ismi, familiyasi, otasining ismi, ilmiy darajasi, unvoni va
ish joyi to‘liq ko‘rsatilishi shart.
• Barcha snoskalar kvadrat qavs ichida beriladi, ularda ilmiy ish raqami va
sahifa ko‘rsatiladi. Masalan: [1, B. 12].
• Foydalanilgan adabiyotlar ro‘yxati matn oxirida alfavit tartibida
joylashtiriladi.
• Anjuman materiallari elektron jurnallarda chop etiladi va elektron to‘plam
shaklida nashr qilinadi.
Manzil: Toshkent viloyati, Chirchiq shahri, A. Temur ko‘chasi, 104-uy.
Chirchiq davlat pedagogika universiteti tuzilmasidagi “Qatag‘on qurbonlari
xotirasi” muzeyi.
Aloqa uchun telefon: telegram @ergashev_225(+998 90) 490-35-98
+998 91 778-55-80